TVB 隐世港男大只仔 – 陈伟洪 Calvin Chan 操 FIT 过程全公开。

 

 

TVB 剧集《 解决师 》剧中不少型男登场，王浩信、丁子朗、李天翔和张頴康等，不过其实有一位 TVB 小辈是禾秆冚珍珠，衣衫里面竟然是一身横练肌肉，更是健美比赛的参赛者。 这位小生在剧中已经惨死，相信有追看的人都知道，他就是被 Man Sir（张頴康饰）派入进兴做卧底的阿海 – 陈伟洪 Calvin 饰演。

 

陈伟洪是 2009 年香港先生少年组冠军，入行原来已经有十年，但勉强能说是代表作的只有在 2011 年于《 点解阿 Sir 係阿 Sir 》饰演蒋进一角，其后一直只是大配角，鲜有突出的角色和重戏份。今次在《 解决师 》饰演卧底，可惜几集后就死了，不过过程悲惨也容易令观众留下印象。

 

 

2009 年参加香港先生时的身材与 2019 年 参加 PCA HK PRO &
HKBPSF Championships 对比。

 

陈伟洪（Calvin）相隔十年 Calvin 再战舞台，他决定参加 2019 PCA HK PRO & HKBPSF Championships「男子运动模特组」，「因为自己一直都做运动，有时候会谂成日举铁到底为什麽？不如找一件事好好去记录这个过程，所以就决定参加，开始去请教一些健身教练，而我做 gym 那间中心的老闆又很好人，知道我有心去训练，就决定赞助我场地及教练培练，所以都很幸运。其实这段日子，我简直断六亲，完全谢绝一切娱乐活动及聚会，有次同温家伟去沙滩，他在车上特地拿出一块 pizza 不停食，闻到阵阵香味，我好难受，而我只可以食烚鸡蛋，那段时间可以说是最辛苦。」

 

 

其实陈伟洪最初并不是大隻仔，突破操肌原来有原因，在接受杂志访问时，他说：「 3 个月前拍完套剧有个空档，我觉得唔好浪费咗佢，定个目标畀自己，做一件事去纪录我做 gym，所以决定去参加健美比赛。过程係艰辛嘅，我都估唔到自己可以坚持咁耐，得三个月去准备比赛，有三个阶段，头一个月係增磅，嗰段时间我又肿又肥，增到去差唔多 200 磅。」

 

增完磅之后，就要瘦身！这个阶段最辛苦，他说：「由餐餐食到好饱变成食唔饱，呢个阶段开始有少少唔开心，因为要控制食量，肚饿冇嘢食个人就好易忟憎，唔食饭转食蕃薯，唔食油腻嘢，尽量 keep 住啲肌肉，每个星期训练六日，一日两次，坚持到真係一件好困难嘅事。」

 

成功瘦身后，为了比赛有更健美的身形，就要开始脱水，他说：「第三个阶段其实係去到一个比赛状态，每日都要控制食量、饮水量，唔可以多唔可以少，呢段时间更辛苦，有啲似丧尸，行步路都觉得用唔尽啲力，开始个人要甩水，等肌肉啲纹路出嚟，比赛前 24 小时水都唔可以饮，尽量去乾身。」

 

身为一个演员，除非你已经红到做主角剧接剧，不然其实会有好多时间空閒出来，陈伟洪也不例外，加上遇到家人离世，更令他明白到时间的重要性。「演艺路上有好多时候你会好得閒，有时唔知做乜就会浪费时间。

 

 

现在入行差唔多十年，有时有人问我除咗拍剧仲会做啲咩呢？呢两年开始有体会，我婆婆嫲嫲都係呢两年离世，我开始反省自己呢十年其实做过啲咩呢？如果下一刻我人生就结束，我成日都喺度谂，点样令自己充实啲，咁啱呢段时间有个空档，我唔想嘥咗呢段时间，想自己做人目标清晰啲，先参加呢个比赛。」

 

 

为咗专心比赛，我推咗好多工作，损失 5 位数字一定有，但呢段美好回忆，用钱都买唔到！」他希望凭经历带出正能量，勉励大家挑战自己：「虽然今次冇赢到比赛，但我赢咗历练、健康同朋友对我嘅敬佩，最紧要赢咗自己。」